06.04.2026 | 11:11
Հայ բասկետբոլիստները դարձել են միջազգային մրցաշարի փոխչեմպիոն․ ՏԵՍԱՆՅՈՒԹ
«Ադրբեջանի պաշտոնյաները մեզ ասել են, որ Հայաստանի վրա հարձակվելու մտադրություն չունեն»․ Իրանի ԱԳՆ խոսնակ
Քաղաքականություն
11.09.2023 | 14:19
Իրանի ԱԳՆ խոսնակ Նասեր Քանանին հայտարարել է, որ Բաքվի պաշտոնյաները Թեհրանին ասել են, որ մտադրություն չունեն Հայաստանի դեմ ռազմական հարձակում իրականացնել, փոխանցում է Mehr գործակալությունը։
«Մենք կապի մեջ ենք ինչպես Ադրբեջանի, այնպես էլ Հայաստանի իշխանությունների հետ, և Հայաստանի իշխանությունները մտահոգություն են հայտնել Ադրբեջանի կողմից նոր ռազմական հակամարտության հնարավորության վերաբերյալ»,- ճեպազրույցում ասել է Քանանին։
Նա հավելել է՝ Բաքվի իշխանությունները տեղեկացրել են Իրանին, որ ռազմական հարձակում իրականացնելու մտադրություն չունեն, և որ վերջին տեղաշարժերը սովորական գործողություն է ձմռան նախաշեմին, քանի որ լեռնային շրջաններում տեղաշարժը գնալով ավելի է դժվարանում։
Իրանի ԱԳՆ խոսնակն ասել է, որ Թեհրանը զգայունությամբ է վերաբերվում հյուսիսային հարևանների հետ ընդհանուր սահմանների անվտանգությանը և շարունակում է լրջությամբ հետևել Կովկասում տեղի ունեցող իրադարձություններին։
«Ղարաբաղն Ադրբեջանի մասն է, այս տարածաշրջանի ժողովրդի իրավունքներն ու անվտանգությունը պետք է ապահովվեն կոնկրետ շրջանակներում, և դա մեր պաշտոնական դիրքորոշումն է։ Իրանը միշտ ընդգծել է երկրների տարածքային ամբողջականությունը հարգելու անհրաժեշտությունը և միշտ դեմ է եղել միջազգային սահմանների ցանկացած փոփոխության»,- ասել է Քանանին՝ հավելելով, որ Հայաստանի և Ադրբեջանի կողմից միմյանց տարածքային ամբողջականության փոխադարձ ճանաչումը կարևոր քայլ կլինի կայուն խաղաղության և անվտանգության հասնելու համար։
Էմմա Չոբանյան
