17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Կառավարությունը չի պարզաբանում Սարգիս Հովհաննիսյանի պաշտոնանկությունը
Քաղաքականություն
10.09.2023 | 18:05
ՀՀ վարչապետի աշխատակազմը չի մեկնաբանում, թե ինչու երեկ ուշ երեկոյան Պետական պահպանության ծառայության ղեկավար Սարգիս Հովհաննիսյանն ազատվեց զբաղեցրած պաշտոնից։ Factor.am-ը պարզաբանում է խնդրել գործադիրից, սակայն վարչապետի մամուլի խոսնակը փոխանցել է, որ չեն մեկնաբանում։
Հիշեցնենք՝ Սարգիս Հովհաննիսյանն այս պաշտոնը զբաղեցնում էր 2020 թվականի դեկտեմբերից՝ 44-օրյա պատերազմից հետո։
Տեղեկություններ կան, որ Սարգիս Հովհաննիսյանն աշխատանքից ազատվել է կառավարական առանձնատների մոտ տեղի ունեցած ուժգին հրավառությունից հետո։ Հրավառությունը կազմակերպվել էր «Դվին» ռեստորանում տեղի ունեցած հարսանիքի շրջանակում։
Պետական պահպանության ծառայության պետի պարտականությունները կկատարի ծառայության պետի տեղակալ Արթուր Գասպարյանը։
Ուշագրավ է, որ բաց և թափանցիկ կառավարման խոստումներով իշխանության եկած Նիկոլ Փաշինյանն ու իր թիմն առաջին անգամ չէ, որ ՀՀ քաղաքացիներին հաշվետվություն չեն տրամադրում հանրային հնչեղություն ունեցող որոշումների վերաբերյալ։ Factor.am-ը բազմաթիվ անգամներ անդրադարձել է խնդրին, որ գործադիրն ուժային կառույցներում նշանակումներ և պաշտոնակություններ իրականացնում է առանց պարզաբանումների։
