07.04.2026 | 10:05
Արտարժույթների փոխարժեքները՝ ապրիլի 7-ի դրությամբ
Քաղաքական ընտրություններ են, ի վերջո․ Հայկ Մարության․ ՏԵՍԱՆՅՈՒԹ
Քաղաքականություն
08.09.2023 | 18:50
Վարչապետ Նիկոլ Փաշինյանն այսօր «Քաղաքացիական պայմանագիր» կուսակցության Երևանի քաղաքապետի թեկնածու Տիգրան Ավինյանի հետ շրջել է տարբեր վարչական շրջաններում․ իշխանության ներկայացուցիչները սա ոչ թե համարում են մասնակցություն քարոզարշավին, այլ նշում են, որ ծանոթանում են համայնքային խնդիրներին։
Արդյո՞ք սա վարչապետի կողմից աջակցություն չէ իր քաղաքական թիմի թեկնածուին․ Արաբկիր համայնքում քարոզարշավ իրականացնելիս Factor TV-ի հետ զրույցում անդրադառնալով այս հարցին՝ «Ազգային առաջընթաց» կուսակցության Երևանի քաղաքապետի թեկնածու Հայկ Մարությանը նշեց․ «Կան միջազգային և հայաստանյան մոնիթորինգային կազմակերպություններ, որոնք զբաղվում են այդ ամենով և վերջում իրենց զեկույցներով ամեն ինչը կտեսնենք։ Սա ամենալավն է, որ այդ ընկերությունները չեզոք դիրքերից ամեն ինչը կարձանագրեն։ Եթե չեմ սխալվում, արդեն միջանկյալ զեկույց են ներկայացրել և այնտեղ վարչական ռեսուրսի չարաշահման մասին ֆիքսված է։
Ամենակարևորն այն է, որ ժողովուրդն ամեն ինչ տեսնում է և գնահատում է»։
Անդրադառնալով հարցին, թե արդյո՞ք համամիտ է որոշ քաղաքական ուժերի ներկայացուցիչների հնչեցրած այն կարծիքին, թե այս ընտրությունները միայն քաղաքային են և Արցախի հարցը չպետք է խառնել այս հարցին, Մարությանը պատասխանեց․ «Չի կարող սա միայն քաղաքային լինել և քաղաքի խնդիրներին վերաբերել, քաղաքական ընտրություններ են, ի վերջո, և չենք կարող չխոսել ընդհանուր քաղքական իրավիճակից»։
Մանրամասները՝ տեսանյութում։
