20.06.2026 | 16:30
Վիճաբանություն Սիսավան փողոցում. 4 անձ հիվանդանոց է տեղափոխվել, 1-ը՝ ձերբակալվել
Բաքվում ադրբեջանա-իրանական ռազմական համագործակցության հանձնաժողովի նիստ կանցկացվի
Քաղաքականություն
08.09.2023 | 21:29
Բաքվում վաղը տեղի կունենա ադրբեջանա-իրանական համատեղ ռազմական հանձնաժողովի նիստը։ Իրանի Զինված ուժերի Գլխավոր շտաբի պատվիրակությունը ժամանելու է Ադրբեջան՝ մասնակցելու հանդիպմանը, որի ընթացքում քննարկվելու են ռազմական և պաշտպանական ոլորտներում համագործակցության հարցեր, գրում են ադրբեջանական լրատվամիջոցները։
Անցյալ ամիս Իրանի ԶՈՒ Գլխավոր շտաբի պետն Ադրբեջանի պաշտպանության նախարարի հետ հեռախոսազրույցի ժամանակ նշել էր ռազմական ոլորտում երկկողմ համագործակցության ամրապնդման մասին։
Իրանի պատվիրակությունը գլխավորելու է պաշտպանության փոխնախարար, բրիգադի գեներալ Մեհդի Ֆարհին։
Ադրբեջանի ՊՆ-ն դեռևս պաշտոնական հաղորդագրություն չի տարածել։
Հավելենք, որ ադրբեջանա-իրանական համատեղ ռազմական հանձնաժողովի նախորդ նիստը տեղի է ունեցել 2020 թվականի փետրվարի 26-ին։
Էմմա Չոբանյան
