30.05.2026 | 18:22
Իրանը հարված է հասցրել Քուվեյթում գտնվող ամերիկյան ավիաբազային․ լրատվամիջոց
Շվեդիան սպասում է Թուրքիայի կողմից ՆԱՏՕ-ի հայտի վավերացմանը
Քաղաքականություն
08.09.2023 | 22:48
Շվեդիան պատրաստ է անդամակցել ՆԱՏՕ-ին և սպասում է, որ Թուրքիան սկսի հայտի վավերացման գործընթացը։ Այս մասին հայտարարել է Շվեդիայի արտաքին գործերի նախարար Թոբիաս Բիլստրոմը, գրում է Turkish Minute-ը։
Շվեդիան անցյալ տարի դիմել էր ՆԱՏՕ-ին միանալու համար, սակայն Թուրքիան և Հունգարիան դեռևս պետք է հաստատեն Ստոկհոլմի հայտը:
«Մենք լիովին պատրաստ ենք և սպասում ենք, որ վավերացման գործընթացն Անկարայում սկսվի»,- ասել է Բիլսթրոմը Ռիգայում Հյուսիսային և Բալթյան երկրների արտգործնախարարների հանդիպումից հետո կայացած մամուլի ասուլիսում։
Ստոկհոլմը հույս ունի, որ Թուրքիան վավերացման գործընթացը կսկսի հոկտեմբերին, երբ խորհրդարանը վերադառնա արձակուրդից, ինչպես ավելի վաղ հայտարարել էր Թուրքիայի նախագահ Ռեջեփ Թայիփ Էրդողանը։
Էմմա Չոբանյան
