Քաղաքականություն
08.09.2023 | 16:29
Ադրբեջանի նախագահ Իլհամ Ալիևը հրամանագիր է ստորագրել Azеrsilah փակ բաժնետիրական ընկերություն ստեղծելու մասին: Փաստաթղթի համաձայն՝ հոլդինգը ստեղծվում է Պաշտպանական արդյունաբերության նախարարության ենթակայությամբ, գրում են ադրբեջանական լրատվամիջոցները։
Նշվում է, որ հոլդինգի ստեղծման նպատակն է «պաշտպանական արդյունաբերությունը համապատասխանեցնել ժամանակակից պահանջներին և ապահովել բանակի ռազմատեխնիկական հագեցվածությունը հայրենական արտադրության միջոցով», «բարձրացնել պետական ձեռնարկությունների մրցունակությունը», «ուժեղացնել եկամուտների և ծախսերի նկատմամբ վերահսկողությունը»։
Ընկերությունը զբաղվելու է զենքի արտադրությամբ, արտահանմամբ և վաճառքով։ Ընդհանուր կառավարումը կիրականացնի երեք անդամից կազմված Դիտորդական խորհուրդը, ներառյալ՝ նախագահը: Ընթացիկ կառավարումն իրականացնելու է գլխավոր տնօրենը։ Հոլդինգի կազմին են փոխանցվելու Պաշտպանական արդյունաբերության նախարարության «Իքլիմ» և «Պրոմպրիբոր» գիտահետազոտական և արտադրական միավորումները։
Հավելեք, որ սեպտեմբերի 24-26-ը Բաքվում անցկացվելու է ADEX 2024 պաշտպանական արդյունաբերության 5-րդ միջազգային ցուցահանդեսը։
Էմմա Չոբանյան
