10.01.2025 | 23:14
ՊԵԿ նախագահն ընդունել է Հնդկաստանի դեսպանին
Հաջիևն առաջարկել է Ադրբեջանի, Իսրայելի և Թուրքիայի հետ համագործակցության եռակողմ ձևաչափ ստեղծել
Քաղաքականություն
07.09.2023 | 22:00
Այցով Իսրայելում գտնվող Ադրբեջանի նախագահ Իլհամ Ալիևի օգնական Հիքմեթ Հաջիևը իսրայելական i24NEWS հեռուստաալիքին տված հարցազրույցոմ հայտարարել է, որ Բաքուն առաջարկում է Իսրայելի և Թուրքիայի հետ համագործակցության նոր եռակողմ ձևաչափ ստեղծել։
«Ադրբեջանական դիվանագիտության համար շատ կարևոր է, որ մեր ընկերները միմյանց հետ բարեկամներ լինեն, այդ պատճառով Ադրբեջանն ուրախ է տեսնել Թուրքիայի և Իսրայելի միջև բարեկամությունն ու փոխըմբռնումը։ Ադրբեջանն առաջարկ ունի՝ ամրապնդել մեր համագործակցությունը եռակողմ ձևաչափով, որտեղ Ադրբեջանը, Թուրքիան և Իսրայելը կարող են համագործակցել»,- ասել է Հաջիևը։
Հաջիևը չի մոռացել նաև Հայաստանի հասցեին անհիմն մեղադրանքներ հնչեցնել՝ հայտարարելով, թե «ՀՀ-ն ամեն ինչ անում են, որ Ադրբեջանի հետ խաղաղություն չլինի»։
«Այն, ինչ տեսնում ենք հայկական կողմից, արվում է ամեն ինչ, որպեսզի Ադրբեջանի հետ խաղաղություն ձեռք չբերվի։ Բայց մենք չենք ուզում կորցնել խաղաղության հասնելու հնարավորությունը։ Մենք տեսնում ենք տեղում՝ Հայաստանին «ենթակա անջատողական սուբյեկտ», որը ֆինանսավորվում և աջակցվում է նրա կողմից։ Նրանք կցանկանային պահպանել գորշ գոտու իրենց կարգավիճակը և չինտեգրվել Ադրբեջանի քաղաքական, սոցիալական, տնտեսական կյանքին»,- ասել է Ալիևի օգնականը։
Հավելենք, որ իր այցի շրջանակում Հաջիևը հանդիպել է Իսրայելի վարչապետ Բենիամին Նեթանյահուին, ԱԳՆ գլխավոր տնօրենին, Անվտագության խորհրդի ղեկավարին և այլ պաշտոնյաների։
Էմմա Չոբանյան
