07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
Մալիում «Վագների» ռազմաբազայում թուրքական Bayraktar-ներ են նկատվել
Քաղաքականություն
07.09.2023 | 22:27
Մալիում ռուսական ռազմաբազայում, որը գտնվում է «Վագների» վարձկանների հսկողության տաk, նկատվել են թուրքական Bayraktar-ներ։ The Insider-ի փոխանցմամբ՝ խոսքն առնվազն 3 ԱԹՍ-ի մասին է։
Հրատարակությունը լուսանկար է հրապարակել, որն արվել է ուղղաթիռից օգոստոսի 30-ին։ Դրանում պատկերված է Մոպտի քաղաքի մոտակայքում գտնվող Սևարե օդանավակայանի ռազմաբազան, որը նախկինում վերահսկվում էր վագներականների կողմից: Այն իսլամիստ զինյալների կողմից հարձակման էր ենթարկվել այս տարվա ապրիլին։
Լուսանկարում երևում է առնվազն երեք թուրքական արտադրության «Բայրաքթար» անօդաչու թռչող սարք: 2022 թվականի դեկտեմբերին Մալիի կառավարությունը հայտարարել էր «Բայրաքթար»-ների գնման մասին, սակայն այն ժամանակ խոսքն ընդամենը երկու միավորի մասին էր։
«Վագների» աղբյուրները հայտնել են, որ Սևարեի ռազմակայանի վերահսկողությունը փոխանցվել է ՌԴ Պաշտպանության նախարարությանը։ Դա, հավանաբար, տեղի է ունեցել օգոստոսի 23-ին «վագներակնների» առաջնորդ Եվգենի Պրիգոժինի օդանավի կործանումից հետո։
