15.01.2026 | 23:03
Ֆուտզալի Հայաստանի հավաքականի հերթական հաղթանակը
Ռոսկոմնադզորը 6 ամսում ՌԴ-ում 885 հազար կայք է արգելափակել
Քաղաքականություն
07.09.2023 | 21:16
Ռուսաստանում 2023 թվականի առաջին կիսամյակում Ռոսկոմնադզորի պահանջով արգելափակվել կամ ջնջվել է ավելի քան 885 հազար կայք, որոնք պարունակել են օրենքով արգելված տեղեկատվություն։ Այս մասին Կոմերսանտին ասել են գերատեսչությունից, փոխանցում է Meduza-ն։
Նշվում է, որ սա 85 տոկոսով ավելին է 2022 թվականի նույն ժամանակահատվածի ցուվանիշից։ Արգելափակված կամ ջնջված առանձին նյութերի թիվը հասել է 1,1 միլիոն, ինչը 10%-ով ավելին է, քան ամբողջ 2022 թվականի ցուցանիշը։
2012 թվականից Ռոսկոմնադզորը վարում է արգելված կայքերի ռեեստր, որում Ռուսաստանի Դաշնության Գլխավոր դատախազության և այլ գերատեսչությունների պահանջով ավելացնում է ծայրահեղական բնույթի տեղեկություններ, պոռնոգրաֆիա, ինքնասպանության և թմրանյութերի մասին տեղեկություններ պարունակող ռեսուրսներ: Ուկրաինական պատերազմից հետո կայքերի արգելափակման հիմքերին ավելացել է նաև ռուսական բանակի մասին կեղծ կամ զրպարտչական տեղեկատվության տարածումը։
Էմմա Չոբանյան
