19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Ադրբեջանի Պետանվտանգության ծառայությունը կոչ է արել համացանցում զորքերի շարժի մասին կադրեր չհրապարակել՝ սպառնալով իրավական պատասխանատվությամբ
Քաղաքականություն
06.09.2023 | 20:32
Ադրբեջանի Պետական Անվտանգության ծառայությունը հայտարարություն է տարածել՝ կոչ անելով քաղաքացիների երկրի զինված ուժերի տեղաշարժի մասին համացանցում կադրեր չտարածել։ Նշվում է, որ զինված ուժերի մասին սոցիալական ցանցերում տեսանյութերի տարածումը լուրջ իրավական պատասխանատվություն կառաջացնի։
«Վերջին օրերին Հայաստանի հատուկ ծառայությունների հետ առնչվող որոշ Telegram-ալիքներ սոցիալական ցանցերի միջոցով կոչեր են անում նկարահանել և տարածել ադրբեջանական բանակի զորամիավորումները, դրանց գտնվելու վայրը, տեղաշարժը, մարտական և մոբիլիզացիոն պատրաստությունը, ինչպես նաև զինանոցում առկա զենքերն ու զինտեխնիկան։ Նման դեպքերը վերահսկվում են Ադրբեջանի Պետական անվտանգության ծառայության կողմից։ Կձեռնարկվեն անհրաժեշտ միջոցներ այն անձանց նկատմամբ, ովքեր կփորձեն կատարել նմանատիպ գործողություններ»,- ասվում է հաղորդագրությունում։
Պետանվտանգության ծառայությունն անընդունելի է համարել «ազգային անվտանգությանն ու պաշտպանունակությանը լուրջ վնաս հասցնող, ինչպես նաև Ադրբեջանի զինված ուժերի մասին տեղեկություններ պարունակող և պետական գաղտնիք կազմող տեսաերիզների նկարահանումն ու տարածումը»։
Ըստ հաղորդագրության՝ այդ ապօրինի գործողությունների դիտավորյալ կատարումը հետաքննության առարկա է պետական գաղտնիքի հրապարակման, իսկ որոշ դեպքերում՝ պետական դավաճանության հետ կապված հանցագործությունների կատարման կասկածանքով և նախատեսում է համապատասխան իրավական պատասխանատվության միջոցով։
Նշենք, որ վերջին օրերին համացանցում ակտիվորեն տարածվում են ադրբեջանական բանակի զինուծի տեղաշարժի լուսանկարներ ու տեսանյութեր։ Ի դեպ, չի բացառվում, որ այդ հրապարակումների հետևում հենց Ադրբեջանի հատուկ ծառայություններն են կանգնած։
Էմմա Չոբանյան
