23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Հաջիևը հանդիպել է Իսրայելի Ազգային անվտանգության խորհրդի ղեկավարի հետ
Քաղաքականություն
06.09.2023 | 11:55
Ադրբեջանի նախագահի օգնական, նախագահականի արտաքին քաղաքականության բաժնի ղեկավար Հիքմեթ Հաջիևը Իսրայելում է, որտեղ հանդիպել է Ազգային անվտանգության խորհրդի ղեկավար Ցախի Հանեգբիի հետ։ Այս մասին հայտնում է Իսրայելում Ադրբեջանի դեսպանատունը։ Հաղորդվում է, որ հանդիպմանը քննարկվել են «երկկողմ ու տարածաշրջանային հարցեր»։
«Այսօր երեկոյան Երուսաղեմում էի Ադրբեջանի նախագահի օգնական Հիքմեթ Հաջիևի հետ համապարփակ քաղաքական բանակցությունների համար մեր երկրների միջև համագործակցության ընդլայնման շրջանակներում։ Մի քանի ամիս առաջ Ադրբեջանը առաջին անգամ բացել է իր դեսպանատունը Իսրայելում, և դրանից հետո երկրների միջև հարաբերություններն ավելի ու ավելի են ամրապնդվում»,-ասվում է Հանեգբիի X-ի էջում գրառման մեջ։
Իսրայելում Հաջիևի այլ հանդիպումների վերաբերյալ դեռ տեղեկություներ չկան։
