06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Լիտվայի նախագահը հայտարարել է «Վագներ»-ից սպառնալիքի նվազեցման մասին
Քաղաքականություն
05.09.2023 | 22:01
Լիտվայի նախագահ Գիտանաս Նաուսեդան LRT-ի եթերում ասել է, որ «Վագներ» ռազմականացված խմբավորումը խառնաշփոթ վիճակում է իր ղեկավար Եվգենի Պրիգոժինի մահից հետո, ուստի Բելառուսի հետ սահմանների ամբողջական փակումն այլևս այդքան կարևոր չէ, գրում է Bloomberg-ը։
Նաուսեդան նշել է, որ այժմ ոչ մի ապացույց չկա, որ խմբավորման վարձկանների՝ Լիտվայի և Լեհաստանի հետ Բելառուսի սահմանին իրավիճակն ապակայունացնելու փորձերի մասին։ Նա ասել է, որ ոչ ոք չի ցանկանում փակել Բելառուսի հետ սահմանը «մարզական հետաքրքրությունից ելնելով», բայց հավելել է, որ բելառուսական ռեժիմը վտանգ է ներկայացնում նույնիսկ առանց իր տարածքում «Վագների» մարտիկների:
Այս տարվա հունիսին ապստամբության փորձից հետո «Վագներ»-ի մարտիկների մի մասը տեղափոխվել է Բելառուս։ Նրանք բելառուս զինվորականների հետ համատեղ վարժանքներ են անցկացրել։
Օգոստոսի 23-ին Տվերի մերձակայքում վթարի է ենթարկվել Եվգենի Պրիգոժինի Embraer Legace 600 մասնավոր օդանավը, որում գտնվող 10 մարդկանց թվում է եղել «Վագներ»-ի ղեկավարը։ Նրանց մահը մի քանի օր անց հաստատվել է դատաբժշկական փորձաքննությամբ։
