Քաղաքականություն
05.09.2023 | 17:41«Արդար Հայաստան» կուսակցության քաղաքապետի թեկնածու Նորահր Նորիկյանն այսօր հրավիրված մամուլի ասուլիսի ժամանակ նշեց հանդես եկավ քաղաքական ուժերին ուղղված առաջարկով։ «Երևանի ավագանու ընտրություններին մասնակցող քաղաքական ուժերը, նրանցում ընդգրկված թեկնածուները ինքնաբացարկի դիմումներ կարող են ներկայացնել մինչև սեպտեկբերի 7-ը, ժամը 18.00-ն:
«Արդար Հայաստանի» նպատակն է առաջին անգամ ընտրությունների միջոցով հասնել իշխանության հեռացմանը և իրական ընդդիմության հաղթանակին:
1990-ից մին չ օրս երբեք ընդդիմությունն ընտրությունների միջոցով իշխանության չի եկել: Եթե դուք իսկապես ուզում եք հեռացնել գործող իշխանությանը, եթե իսկապես ցանկանում եք ձևավորել Երևանում նոր իշխանություն, մենք ունենք ընդամենը երկու օր ժամանակ: Եթե այն ուժերը, որոնք իսկապես ձգտում են որակական փոփոխություններ, Երևանում ձևավորել նոր իշխանություն, առաջարկում եմ մինչև սեպտեմբերի 7-ը հասնել կոնսենսուսային թեկնածուի առաջադրմանը, իսկ մնացած ուժերը ինքնաբացարկի դիմումներ ներկայացնեն և ամբողջությամբ սատարեն կոնսենսուսով ձևավորված թեկնածուին:
Եթե այդպիսի կենսենսուսային թեկնածու կձևավորվի մեզնից դուրս, ես պատրաստ եմ ինքնաբացարկի դիմում ներկայացնել և սատարել այդ մեկ միասնական թեկնածուին: Երկրորդ՝ եթե այդ քաղաքական ուժերը կհանգեն հետևության, որ ես կարող եմ լինել այդ կոնենսուսային թեկնածուն, ես պատրաստ եմ ստանձնել համարձակությունը և ապագանյի պատասխանատվությունը»,- հայտարարեց Նորիկյանը։
«Արդար Հայաստան» կուսակցության քաղաքապետի թեկնածուն բացառեց, որ Երևանի ավագանու ընտրություններից հետո, եթե իր գլխավորած կուսակցությունը բավարար քվե ստանա, կոալիցիա կազմի «Քաղաքացիական պայմանագիր» կուսակցության հետ։ Այլ ուժերի հետ կոալիցիա կազմելն էլ, ինչպես ասաց Նորիկյանը, կախված է հետընտրական զարգացումներից։
Եթե տվյալ քաղաքական ուժի արժեքային համակարգը, գաղափարները համահունչ լինեն «Արդար Հայաստան» կուսակցության արժեքների եւ գաղափարների հետ, Նորիկյանը չբացառեց, որ կոալիցիա կկազմի․ «Նաև չեմ բացառում, որ Երեւանում հնարավոր կլինի կոալիցիոն կառավարում ապահովել»։
Մանրամասները՝ տեսանյութում։
