26.06.2026 | 19:10
Դրոշներ՝ բոլոր համայնքների մուտքերի մոտ․ ՔՊ-ականների նախագիծն ընդգրկվել է ԱԺ արտահերթ նիստի օրակարգում
Անկարան Աթենքի հետ հարաբերություններում թևակոխում է «նոր և դրական» փուլ․ Թուրքիայի և Հունաստանի ԱԳ նախարարները հանդիպել են Անկարայում
Քաղաքականություն
05.09.2023 | 22:28
Հունաստանի ԱԳ նախարար Գեորգոս Գերապետրիտիսն Անկարայում բանակցություններ է անցկացրել Թուրքիայի ԱԳ նախարար Հաքան Ֆիդանի հետ։ Սա երկու նախարարների առաջին հանդիպումն է ԱԳ նախարարի պաշտոնում Ֆիդանի նշանակումից հետո։ Կողմերի միջև քննարկումները տեղի են ունենում ավելի բարեկամական մթնոլորտում, որն առաջացել է այն պատճառով, որ Հունաստանն օգնություն է ուղարկել Թուրքիային այս տարվա սկզբին տեղի ունեցած ավերիչ երկրաշարժից հետո, Անկարան էլ ցավակցել է Հունաստանում գնացքի ողբերգական վթարից հետո:
Թուրքիան Հունաստանի հետ հարաբերություններում թևակոխում է «նոր և դրական» դարաշրջան։ Անադոլու գործակալության փոխանցմամբ՝ այս մասին հայտարարել է Թուրքիայի արտգործնախարար Հաքան Ֆիդանը Հունաստանի ԱԳ նախարարի հետ համատեղ մամուլի ասուլիսում։
Նա նշել է, որ որ Անկարան և Աթենքը պայմանավորվել են նոր մոտեցումներ ցուցաբերել կողմերի միջև տարաձայնությունների լուծման համար։
«Անկարան պատրաստ է շարունակել Աթենքի հետ երկխոսությունն առանց նախապայմանների և զարգացնել հարաբերությունները բոլոր ոլորտներում՝ հիմնված ընդհանուր շահերի վրա»,- ասել է Ֆիդանը։
Հունաստանի ԱԳ նախարար Գերապետրիտիսն էլ ասել է, որ Անկարայի և Աթենքի միջև վստահության միջոցների ամրապնդման շուրջ բանակցությունները կսկսվեն մոտ ապագայում։
«Աթենքն ու Անկարան պայմանավորվել են զարգացնել դրական օրակարգ կողմերի միջև»,- հայտարարել է նա։
Էմմա Չոբանյան
