06.09.2026 | 13:21
Հրդեհ է բռնկվել Երևանի Արարատյան փողոցի բնակարաններից մեկում․ փրկարարները տարհանել են բնակիչներին
«Իրանի հետ PKK դեմ օպեարացիա սկսելու հարցը համակարգված չէ». թուրք դեսպան
Քաղաքականություն
16.07.2018 | 20:38
Իրանում Թուրքիայի արտակարգ և լիազոր դեսպան Ռըզա Հաքան Թեքինը լրագրողների հետ զրույցում խոսել է «Քուրդիստանի բանվորական կուսակցության» (ՔԲԿ-PKK) դեմ պայքարում թուրք-իրանական հնարավոր համագործակցության մասին. տեղեկացնում է ermenihaber-ը:
Մասնավորապես դեսպանն անդրադարձել է այն հարցին, թե արդյոք Թուրքիան և Իրանը համատեղ կարող են ռազմական գործողություններ սկսել PKK-ի դեմ։
PKK-ն Թուրքիայում համարվում է ահաբեկչական կազմակերպություն։ Թուրքական զինուժը PKK-դեմ գործողություններ է իրականացնում ոչ միայն իր տարածքում, այլև՝ Իրաքում, որտեղ գտնվում է քուրդ զինյալների գլխավոր ռազմաբազան՝ Քանդիլը։
Իսկ PKK-ի թևերից մեկը՝ PJAK-ը, գործունեություն է ծավալում Իրանում։ Իրանի իշխանությունները հաճախակի են վերջինիս դեմ ռազմական գործողություններ իրականացնում։
«Այժմ մենք չենք կարող ասել, թե Իրանի հետ համակարգել ենք քուրդ զինյալների դեմ Իրաքում գործողություն սկսելու հարցը։ Սակայն այս հարցում համագործակցության հնարավորություններ կան։ Մասնավորապես մենք պատրաստ ենք Իրանի և Իրաքի հետ օպերացիա սկսել մեր սահմանամերձ շրջաններում»,-ասել է Թեքինը։
Թուրք դեսպանը նաև տեղեկացրել է, որ առաջիկայում Թեհրանում Սիրիայի հարցով տեղի կունենա գագաթնաժողով, որին կմասնակցեն Թուրքիայի, Իրանի և Ռուսաստանի նախագահները:
