07.09.2026 | 17:24
Ուիթքոֆի և Քուշների մասնակցությամբ բանակցությունները՝ «քայլ դեպի խաղաղություն»․ Կրեմլ
Դավիթ Տոնոյանն այցելել է ՀՀ ՊՆ ռազմական ոստիկանություն, հանձնարարականներ տվել ուժեղացնել համագործակցությունը այլ ուժային կառույցների հետ
16.07.2018 | 18:41
Հուլիսի 14-ին ՀՀ պաշտպանության նախարար Դավիթ Տոնոյանն այցելել է ՀՀ ՊՆ ռազմական ոստիկանություն՝ ներկա գտնվելու 2018թ. առաջին կիսամյակի ընթացքում գերատեսչությունում կատարված աշխատանքների արդյունքների ամփոփմանը:
Պաշտպանական գերատեսչության ղեկավարը լսելով ՌՈ ղեկավար կազմի զեկույցներն ու հաշվետվությունները հստակ հանձնարարականներ տվեց ուժեղացնել համագործակցությունը այլ ուժային կառույցների հետ կոռուպցիոն դեպքերի բացահայտման և ռիսկերի նվազեցմանն ուղղված աշխատանքներում: Զորքերում լայնորեն իրականացնել կանխարգելիչ միջոցառումներ, որոնք կամրապնդեն կարգապահությունը և կօգնեն հրամանատարությանը այդ հարցում: Նախարար Դավիթ Տոնոյանը հատուկ ուշադրություն հրավիրեց անձնակազմի համալրման խնդիրների, կադրային տեղաշարժերի և այլ աշխատանքների վրա:
Պաշտպանության նախարար Դավիթ Տոնոյանը ռազմական ոստիկանության պետ գնդապետ Արթուր Բաղդասարյանի ուղեկցությամբ հանդիպեց ՌՈ ընդունիչ-բաշխիչ բաժանմունքում գտնվող ժամկետային զինծառայողների և կարգապահական մեկուսարանում կալանքի դատապարտված երկու զինծառայողի հետ:
