17.12.2025 | 23:30
ՌԴ-ն երկրորդ անգամ է հայտարարել Կուպյանսկի նկատմամբ վերահսկողության մասին
«Հանուն Վրաստանի» կուսակցությունը չի աջակցի Սալոմե Զուրաբիշվիլիի իմփիչմենթի ընթացակարգին
Քաղաքականություն
01.09.2023 | 20:17
«Հանուն Վրաստանի» կուսակցությունը չի աջակցի Սալոմե Զուրաբիշվիլիի իմփիչմենթի ընթացակարգին»։ Այս մասին հայտարարել է կուսակցության առաջնորդ Գիորգի Գախարիան, գրում է Գրուզիա օնլայնը։
Ըստ նրա՝ նախագահի իմփիչմենթի ընթացակարգի մեկնարկը սպառնում է երկրի եվրոպական ապագային։
««Վրացական երազանքի» կողմից այսօր հայտարարված Վրաստանի նախագահի իմպիչմենթի գործընթացը, անկախ նրանից, թե ինչպես կավարտվի, մի քանի հետևանքներ ունի վրաց հասարակության համար։ Սա կանխամտածված քայլ է երկրի եվրոպական ապագայի դեմ, այս քայլն իրականում սպառնում է երկրի եվրոպական ապագային։ Սա կանխամտածված քայլ է երկրում արմատականացման, առճակատման և բևեռացման խորացման ուղղությամբ, ինչը կայունության լուրջ խնդիր է ստեղծում վրացական պետության և հասարակության համար։ Ահա թե ինչու «Հանուն Վրաստանի» կուսակցությունը չի պաշտպանի իմփիչմենթի ընթացակարգը։
Բացի այդ, ես կցանկանայի դիմել բազմաթիվ արժանի մարդկանց, ովքեր դեռ մնում են «Վրացական երազանքում»: Ես ուզում եմ նրանց հարցնել՝ ի՞նչ եք կարծում՝ 2012 թվականին՝ հաղթանակից հետո, ինչո՞ւ ոչ ոքի մտքով չանցավ բարձրացնել Սաակաշվիլիի իմփիչմենթի հարցը, և ինչո՞ւ է այսօր ինչ-որ մեկը բարձրացնում Վրաստանի նախագահի իմթիչմենթի հարցը, որի ընտրության ժամանակ ես և դուք մեծ ներդրում ենք ունեցել»,- հայտարարել է Գախարիան։
