12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Հիքմեթ Հաջիևը կրկին սպառնացել է Արցախին
Քաղաքականություն
31.08.2023 | 15:23
Ադրբեջանի նախագահի օգնական Հիքմեթ Հաջիևը կրկին սպառնալիքներ է հնչեցրել Արցախի իշխանությունների հասցեին։
«Ադրբեջանական Կարմիր մահիկի կողմից մատակարարված ցորենի ալյուրի մերժումն արտադրության ծագման պատճառով (Ադրբեջան) ռասիզմ է, որը հետապնդվում է անօրինական խամաճիկային ռեժիմի կողմից։ Ադրբեջանն այլևս չի կարող հանդուրժել իր հողի վրա «գորշ» անվերահսկելի գոտին։ Անօրինական ռեժիմը պետք է լուծարվի և զինաթափվի»,- սպառնացել է Հաջիևը X-ում արված գրառմամբ, որին կցել է Ադրբեջանում հավատարմագրված դեսպանների հետ լուսանկարները։
Հիշեցնենք, որ Բաքուն այսօր Ստեփանակերտի ճանապարհին հերթական քարոզչական շոուն է կազմակերպել՝ Հաջիևի գլխավորությամբ երկրում հավատարմագրված մի շարք երկրների դեսպանների ու ռազմական կցորդների մասնակցությամբ։ ԱՄՆ-ի և Ֆրանսիայի դեսպանները չեն մեկնել։
Էմմա Չոբանյան
