30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Բաքուն Ստեփանակերտ տանող ճանապարհին է հավաքել երկրում հավատարմագրված դիվանագետներին․ Ֆրանսիայի և ԱՄՆ-ի դեսպանները չեն մեկնել
Քաղաքականություն
31.08.2023 | 13:55
Պաշտոնական Բաքուն երկրում հավատարմագրված դեսպանների այց է կազմակերպել Աղդամից Ստեփանակերտ տանող ճանապարհ։ Տեղական լրատվամիջոցները հայտնում են, որ Ադրբեջանում հավատարմագրված դիվանագիտական կորպուսի ներկայացուցիչները և ռազմական կցորդներն Աղդամում են, նրանց ուղեկցում է Ադրբեջանի նախագահի օգնական Հիքմեթ Հաջիևը։
Այցին մասնակցում է ավելի քան 50 երկրից ու միջազգային կազմակերպություններից 60 ներկայացուցիչ, մասնավորապես, Թուրքիայից, Ռուսաստանից, Իրանից, Չինաստանից, Ճապոնիայից, Շվեյցարիայից, Լեհաստանից, Չեխիայից, Բուլղարիայից, Ռումինիայից, Սերբիայից, Արգենտինայից, Կոլումբիայից, Մեքսիկայից, Հարավային Կորեայից, Ինդոնեզիայից, Իսրայելից, ԱՄԷ-ից, Ալժիրից, Կատարից, Իրաքից, Աֆղանստանից, Լիբիայից, Ուկրաինայից, Ղազախստանից, Ուզբեկստանից, Բելառուսից, Վրաստանից, Տաջիկստանից, ինչպես նաև ՄԱԿ-ի, Առողջապահության համաշխարհային կազմակերպության ներկայացուցիչները։
Հարկ է նկատել, որ Ֆրանսիայի և ԱՄՆ-ի դիվանագետներն Աղդամ չեն մեկնել։
Հավելենք, որ Ադրբեջանի իշխանությունները, որոնք ամիսներ շարունակ նախ հերքում էին Արցախում իրենց իսկ կողմից ստեղծված հումանիտար ճգնաժամը, այժմ փորձում են 2022 թվականի դեկտեմբերից Լաչինի միջանցքը փակած «էկոավիստների» շոուն փոխարինել Կարմիր մահիկի «հումանիտար» առաքելությամբ։
Էմմա Չոբանյան
