07.10.2026 | 23:48
Արթուր Դանիելյանը կալանավորվեց
Ստոլտենբերգը հայտնել է ուկրաինական հաջող հակագրոհի մասին
Քաղաքականություն
31.08.2023 | 15:11
ՆԱՏՕ-ի գլխավոր քարտուղար Յենս Ստոլտենբերգը CNN-ին տված հարցազրույցում դրական է արտահայտվել ուկրաինական բանակի հակահարձակման մասին։
«Ուկրաինացիներն աստիճանաբար գրավում են դիրքերը, նրանք հետ են մղում ռուսներին և կարող են ճեղքել այդ լավ ամրացված տարածքներից մի քանիսը, չնայած ականապատ դաշտերին»,- ասել է նա։ Ստոլտենբերգի խոսքով՝ ուկրաինացիները ծանր մարտերի ընթացքում «հասնում են հաջողությունների, որոնք նոր թափ են հավաքում»։
Հյուսիսատլանտյան դաշինքի ղեկավարը չի համաձայնել որոշ արևմտյան զինվորականների ու փորձագետների գնահատականներին, ովքեր քննադատում են Ուկրաինայի Զինված ուժերի առաջխաղացման դանդաղ տեմպերը։
«Ուկրաինացիները կրկին գերազանցել են սպասելիքները։ Չպետք է մոռանալ, որ ամեն ինչ սկսվեց անցյալ տարի Ռուսաստանի կողմից Ուկրաինա լայնամասշտաբ ներխուժմամբ։ Փորձագետները կարծում էին, որ Ուկրաինան կդիմանա ընդամենը մի քանի օր կամ շաբաթ։ Բայց ուկրաինացիներն ազատագրեցին հյուսիսը, արևելքը՝ Խարկովի մարզը, հարավում՝ Խերսոնը։ Իսկ այժմ նրանք էլ ավելի մեծ հաջողությունների են հասնում»,- ասել է Ստոլտենբերգը։
