14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԱՄՆ-ը քննադատել է Թուրքիային «Ամերիկայի Ձայն»-ի թուրքական ծառայության կայքի սահմանափակումների համար
Քաղաքականություն
30.08.2023 | 22:33
ԱՄՆ Պետքարտուղարությունն արձագանքել է Թուրքիայում «Ամերիկայի Ձայն»-ի թուրքական կայքի մուտքի վերջին սահմանափակումներին: Պետքարտուղարության խոսնակը խորը մտահոգություն է հայտնել ստեղծված իրավիճակի վերաբերյալ, գրում է Gercek news-ը։
«Մենք շարունակում ենք ուշադիր հետևել VOA-ի թուրքական ծառայության առջև ծառացած խնդիրներին և խորապես մտահոգված ենք»,- ասել է խոսնակը։
Նա նաև հորդորել է Թուրքիային պահպանել խոսքի ազատության իր պարտավորությունները՝ հավելելով. «Մենք կոչ ենք անում Թուրքիային կատարել իր հանձնառություններն ու պարտավորությունները՝ հարգելու խոսքի հիմնարար ազատությունը»:
Նշենք, որ Թուրքիայի Ռադիոյի և հեռուստատեսության բարձրագույն խորհրդի (RTUK) դիմումի հիման վրա Անկարայի 9-րդ քրեական դատարանը որոշում է կայացրել արգելափակել Թուրքիայում voaturkce.com կայքի մուտքը։ Որոշումն ընդունվել է 2023 թվականի օգոստոսի 28-ին։ Մուտքը սահմանափակելու որոշման հետ մեկտեղ՝ դատարանը հանձնարարել է հեռացնել կայքից բովանդակությունը։
Էմմա Չոբանյան
