08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Արայիկ Հարությունյանը շնորհակալություն հայտնեց Ֆրանսիային` մարդասիրական քայլի համար․ ՏԵՍԱՆՅՈՒԹ
Քաղաքականություն
30.08.2023 | 14:48
Արցախն իր ամենածանր ժամանակահատվածն է ապրում, և Արցախը չի մոռանա իր լավ ընկերներին, որոնք այսօր աջակցում են իրեն: Այս մասին այսօր՝ օգոստոսի 30-ին, Փարիզի քաղաքապետի հետ համատեղ ասուլիսում, որն անցկացվում է առցանց ռեժիմով, հայտարարեց Արցախի նախագահ Արայիկ Հարությունյանը։
Արցախի նախագահը շնորհակալություն հայտնեց ֆրանսիական կողմին օգնության համար՝ վստահեցնելով, որ դա չի մոռացվի։
«Անցած դեկտեմբերին ես այցելել եմ Ֆրանսիա և այդ ժամանակ զգուշացրել եմ, թե ինչ կարող է կատարվել այսօր, ցավոք այդ կանխատեսումներն իրականացան։
Ադրբեջանն ակնկալում է ճնշումների միջոցով ծնկի բերել Արցախը, սակայն դա նրան չի հաջողվի: Մենք հարգել գիտենք, բայց ծնկի գալ չգիտենք։ Պայքարելու ենք այնքան, որքան հնարավորություն ունենք։ Չնայած նրան, որ արդեն աշխարհից, համաշխարհային հանրությունից, գերտերություններից, միջազգային կառույցներից։ Մենք շարունակելու ենք։ Հազարամյակներով ժառանգած արժանապատվությունը մեզ համար ավելի կարևոր է»,- նշեց Հարությունյանը։
Նշենք, որ Արցախի մայրաքաղաք Ստեփանակերտում բարձրացրել են Ֆրանսիայի դրոշը՝ ի նշան երախտագիտության:
Հիշեցնենք, որ օգոստոսի 30-ին Փարիզի քաղաքապետ Անն Իդալգոն Հայաստան է ժամանել՝ այցելելու Լաչինի միջանցքի սկզբնամաս և ուղեկցելու Ֆրանսիայից ժամանած մարդասիրական բեռներով ավտոշարասյունը, որը նախատեսված է Արցախի համար:
Մանրամասները՝ տեսանյութում։
