15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
Հնդկաստանը տիեզերանավ կարձակի` Արևն ուսումնասիրելու համար
Քաղաքականություն
30.08.2023 | 23:02
Դեպի Lուսին հաջող առաքելությունից հետո Հնդկաստանը մտադիր է դեպի Արեգակ ուղարկել իր առաջին տիեզերանավը։ Հնդկական տիեզերական հետազոտությունների կազմակերպությունը հայտարարել է, որ պատրաստվում է Aditya-L1 ավտոմատ կայանի արձակմանը, որը նախատեսված է սեպտեմբերի 2-ին, գրում է Կոմերսանտը։
«Տիեզերանավը կուղարկվի Արև-Երկիր համակարգի Լագրանժի 1-ին կետի (L1) շուրջ, որը գտնվում է Երկրից մոտավորապես 1,5 միլիոն կմ հեռավորության վրա: Արբանյակը, որը գտնվում է L1 կետի շուրջ գալո-ուղեծրում, ունի Արեգակի շարունակական դիտարկման առավելություն: Սա արեգակնային ակտիվությունը և դրա ազդեցությունը տիեզերական եղանակի վրա իրական ժամանակում դիտարկելու ավելի մեծ առավելություն կտա»,- ասվում է կազմակերպության հաղորդագրության մեջ:
Հիշեցնենք, որ օգոստոսի 23-ին հնդկական Չանդարյան-3 կայանի մոդուլը բարեհաջող վայրէջք է կատարել Լուսնի մակերեսին։
