13.08.2026 | 19:30
Հայաստանում իսլամի պարտադիր ուսուցման կեղծ պատմությունը․ ովքեր էին այն տարածում. ՏԵՍԱՆՅՈՒԹ
«Աղդամի ճանապարհի բացումից 24 ժամ անց կբացվի Լաչինի ճանապարհը»․ Հիքմեթ Հաջիև
Քաղաքականություն
30.08.2023 | 13:31
Շուրջ 9 ամիս է, ինչ Լաչինի միջանցքն արգելափակված է Ադրբեջանի իշխանությունների կողմից, ինչի հետևանքով անջատված տարածաշրջանում սննդի, դեղորայքի, հիգիենայի պարագաների և վառելիքի խիստ պակաս կա։ Այս մասին ասվում է բրիտանական BBC-ի՝ Արցախում տիրող հումանիտար ճգնաժամի և Լաչինի միջանցքի արգելափակման վերաբերյալ հրապարակման մեջ։
Լրատվամիջոցի հետ զրույցում Ադրբեջանի նախագահի օգնական, աշխատակազմի արտաքին քաղաքական հարցերով բաժնի ղեկավար Հիքմեթ Հաջիևը, հրաժարվելով Բաքվի փաստաթղթային պարտավորություններից, շարունակել է առաջ տանել Աղդամի ճանապարհի՝ ադրբեջանական թեզը՝ փաստացի ընդունելով Լաչինի միջանցքի փակման նպատակներից մեկը։
«Աղդամ քաղաքով ճանապարհի բացումից հետո՝ 24 ժամ անց, Լաչինի ճանապարհը նույնպես կբացվի: Ավելի շատ ճանապարհներն ավելի լավ են բոլորի համար»,- ասել է Հաջիևը։
Նա նաև նշել է, որ Արցախի հայերին առաջարկվել են նույն «լեզվական, մշակութային, կրոնական, ինչպես նաև մունիցիպալ իրավունքները, ինչ Ադրբեջանի քաղաքացիներին»։
Էմմա Չոբանյան
