01.05.2026 | 11:43
Եվրախորհրդարանը ցանկանում է ՀՀ-ի ընտրությունները պաշտպանել ռուսական ազդեցությունից․ DW-ի անդրադարձը
Դիմում-ուղերձի հանձնում ԱՄՆ դեսպանատուն՝ ՄԱԿ ԱԽ-ում Արցախի խնդրով բանաձև ընդունելու համար․ ՈՒՂԻՂ
Քաղաքականություն
30.08.2023 | 15:05
ՄԱԿ ԱԽ-ում Արցախի խնդրով բանաձև ընդունելու համար ակցիայի մասնակիցներն ուղերձներ են հանձնում գերտերությունների առաջնորդներին։
Պետք է անհապաղ միջոցներ ձեռնարկել` համախմբելու միջազգային հանրությանը ԼՂ–ում առաջացած հրատապ խնդիրների լուծման համար։ Հայաստանում ԱՄՆ դեսպանատան մոտ այսօր տեղի ունեցած ակցիայի ժամանակ ԱՄՆ նախագահ Ջո Բայդենին ուղղված ուղերձում նշել են «Բացում» նախաձեռնության անդամները։
Նրանք ԱՄՆ նախագահ Ջո Բայդենին կոչ են անում իր գլխավորությամբ ՄԱԿ ԱԽ նիստ հրավիրել և ընդունել բանաձև, որը կանդրադառնա մի շարք կարևոր և կենսական կետերի։ Առաջին տեղում մարդասիրական օգնության փոխանցումն է։ Բանաձևում մյուս կետը պետք է վերաբերի Բերձորի միջանցքի բացմանը, իսկ երրորդ կետով նախատեսվի Ադրբեջանի համար պատասխանատվություն Արցախի բնակչությանը ցեղասպանության ենթարկելու, խոշտանգումների, մարդու իրավունքների խախտումների համար։
Նախաձեռնության անդամները նամակը փոխանցեցին դեսպանությանը` Բայդենին հասցնելու խնդրանքով։
Նշենք, որ երեկ «Բացում» նախաձեռնության անդամները բողոքի ակցիա էին իրականացրել և նամակներ էին փոխանցել Ֆրանսիայի և Մեծ Բրիտանիայի դեսպանատներին։
