06.06.2026 | 10:00
Այսօր Հայաստանում լռության օր է
Ադրբեջանական Կարմիր մահիկի աշխատակիցները կգիշերեն վրաններում՝ Աղդամ-Ստեփանակերտ ճանապարհին․ սպասում են ռուս խաղաղապահների պատասխանին
Քաղաքականություն
29.08.2023 | 21:22
Ադրբեջանական Կարմիր մահիկի ընկերակցությունը վրաններ է տեղադրել Աղդամ-Ստեփանակերտ ճանապարհին՝ ռուս խաղաղապահների դիրքի մոտ։ Կազմակերպության աշխատակիցները և կամավորները գիշերելու են վրաններում։ Այս մասին հաղորդում են ադրբեջանական լրատվամիջոցները։
Կազմակերպության աշխատակիցները նշել են, որ, իբր, իրենց նպատակն է «մարդասիրական օգնություն ցուցաբերել Ղարաբաղում բնակվող հայազգի քաղաքացիներին», ինչի համար Աղդամ-Ստեփանակերտ ճանապարհին կայանված է երկու բեռնատար՝ 40 տոննա ալյուրի արտադրանքով։ Այդ նպատակով Ադրբեջանի Կարմիր մահիկի ընկերակցության աշխատակիցները բանակցություններ են վարել ռուս խաղաղապահների հետ և սպասում են նրանց պատասխանին։
Հիշեցնենք, որ Ադրբեջանի Կարմիր մահիկի ընկերության նախագահ, պատգամավոր Նովրուզ Ասլանը հայտարարել էր, թե 40 տոննա ալյուրով երկու մեքենա է ուղարկվել։
«Մենք հուսով ենք, որ այս քայլը դրական կընդունվի Ստեփանակերտում ապրող հայերի և միջազգային հանրության կողմից։ Եթե կարողանանք հետագայում ավելի շատ գնահատում կատարել, ապա կկարողանանք մատակարարել նրանց անհրաժեշտ ապրանքները»,- ասել էր նա։
Հավելենք, որ մինչ այդ էլ, արդեն ավելի քան 1 ամիս ՀՀ Կառավարության կողմից ուղարկված շուրջ 400 տոննա սնունդն ու դեղորայքը մնում են Կոռնիձորում՝ Բաքվի կողմից Լաչինի միջանցքի ապօրինի շրջափակման հետևանքով։
