30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Արյունոտ ձեռքից հաց չես կարող ուտել․ ակցիայի մասնակիցը՝ Բաքվի օգնության մասին. ՏԵՍԱՆՅՈՒԹ
Քաղաքականություն
29.08.2023 | 18:35
Այսօր՝ օգոստոսի 29-ին, Արցախի դրոշներով և պաստառներով բողոքի ակցիա է տեղի ունենում Երևանում Ռուսաստանի դեսպանատան դիմաց: Ակցիայի մասնակիցները վանկարկում են՝ «Ոչ տեռորիզմին», «Արցախ», «Ազատություն առևանգված հայերին»:
Ակցիան մեկնարկել է նախօրեին՝ մի խումբ քաղաքացիներ Երևանում ՌԴ դեսպանատան մոտ նստացույց ու իրազեկման երթ էին կազմակերպել՝ պահանջելով պարզաբանումներ Հակարիի կամրջի մոտ տեղակայված ադրբեջանական ապօրինի անցակետի մոտից ՌԴ խաղաղապահների ուղեկցությամբ Արցախից ՀՀ տեղափոխվելու ժամանակ ադրբեջանցիների կողմից արցախցի երեք երիտասարդների առևանգման դեպքի առնչությամբ:
Ակցիայի մասնակիցները պահանջում են վերադարձնել հայ տղաներին և բացել բերձորի միջանցքը։ Նշենք, որ ադրբեջանցիներն առևանգված երեք երիտասարդներին մեղադրում են իրենց դրոշն «անարգելու» համար:
«Արյունոտ ձեռքից հաց չես կարող ուտել»,- Բաքվի օգնության մասին խոսելիս ընդգծեց ակցիայի կազմակերպիչներից մեկը։
Մանրամասները՝ տեսանյութում։
