26.06.2026 | 13:42
Մհեր Գրիգորյանը ԱՄՆ Անկախության օրվա միջոցառմանը խոսել է հայ-ամերիկյան հարաբերությունների և ԹՐԻՓՓ նախագծի մասին
Ավստրալիայում կնոջ ուղեղում 8 սմ-անոց կենդանի որդ են հայտնաբերել
Քաղաքականություն
29.08.2023 | 23:21
Ավստրալիայում 64-ամյա կնոջ ուղեղից պիթոններին բնորոշ մակաբույծ որդ են հանել։ Բժիշկների խոսքով՝ սա մարդու վարակման առաջին նման դեպքն է, գրում է Euronews-ը։
Հաղորդվում է, որ կինն ապրում է պիթոններով բնակեցված լճի մոտ։
Չնայած օձերի հետ ուղիղ շփումների բացակայությանը՝ կինը հաճախ է հավաքել տեղական խոտաբույսեր և օգտագործել դրանք ճաշ պատրաստելու համար։
«Եթե պատկերացնենք մարդու ուղեղը, այն, իհարկե, բավական մեծ է, սակայն հսկայական չէ։ Այդ որդը 8 սմ երկարություն ուներ, կենդանի էր և ճոճվում էր, երբ մեր փորձառու նյարդավիրաբույժը դուրս բերեց այն»,- ասել է բժիշկ Սանջայա Սենանայկեն։
Նշվում է, որ Հարավային Նոր Ուելս նահանգից կինը երկար ժամանակ գանգատվել է որովայնի ցավից, հետո սկսել կորցնել հիշողությունն ու ընկել դեպրեսիայի մեջ։ Դրանից հետո նրան տեղափոխել են Կանբերայի հիվանդանոց՝ ամբողջական հետազոտության համար։
Ուղեղի ՄՌՏ-ն հայտնաբերել է վիրաբուժական միջամտություն պահանջող պաթոլոգիաներ։ Այժմ հիվանդը գտնվում է բժիշկների հսկողության տակ, քանի որ որդը կարող է ձվեր թողած լինել, որոնք էլ կարող են վարակել օրգանները։
Էմմա Չոբանյան
