24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Լեհաստանում «լեգիոներների հիվանդության» բռնկումը 14 մարդու կյանք է խլել
Քաղաքականություն
29.08.2023 | 22:14
Լեհաստանում 14 մարդ է մահացել, ավելի քան 150-ը՝ հոսպիտալացվել «լեգիոներների հիվանդություն» անվամբ հայտնի բակտերիալ վարակի բռնկման հետևանքով, որը գրանցվել է Ուկրաինայի հետ սահմանի մոտ գտնվող հարավարևելյան Ժեշով քաղաքում։ Տեղի իշխանությունները ստուգումներ են իրականացնելու՝ պարզելու համար՝ արդյո՞ք լեգեոնելոզի հարուցիչը մտցվել է քաղաքի ջրամատակարարման համակարգ, սակայն հայտնում են, որ դիվերսիայի ապացույցներ չկան, գրում է BBC-ի ռուսական ծառայությունը:
«Մենք չենք հայտնաբերել որևէ բան, որը կարող է վկայել դիվերսիայի մասին: Քանի որ քաղաքը գտնվում է Ուկրաինայի հետ սահմանի մոտ և հանդիսանում է կարևոր տրանսպորտային հանգույց այս երկիր զենք մատակարարելու համար, իշխանությունները ցանկանում են բացառել որոշ առաջարկվող սցենարներ։ Ջրառների կանխամտածված աղտոտման ապացույցներ չկան»,- Polsat հեռուստաալիքին ասել է լեհական հատուկ ծառայությունների խոսնակ Ստանիսլավ Ժարինը։
Այս շաբաթվա սկզբին Ժարինը հաստատել է, որ Լեհաստանի հետախուզության աշխատակիցները ներգրավված են վարակի ծագման հետաքննությանը:
