11.09.2026 | 14:05
Նյու Յորքում սեպտեմբերի 11-ի հարձակումների 25-րդ տարելիցի հիշատակի միջոցառումներ կանցկացվեն
«Հայաստանը ՌԴ-ի ռազմավարական գործընկերն է Հարավային Կովկասում»․ ՌԴ-ն ԱԳՆ-ն՝ 1997թ․ հայ-ռուսական փոխօգնության պայմանագրի մասին
Քաղաքականություն
29.08.2023 | 15:10
ՌԴ ԱԳՆ-ն իր պաշտոնական Telegram-ալիքում հայտարարություն է տարածել 1997 թվականին «Հայաստանի Հանրապետության և Ռուսաստանի Դաշնության միջև բարեկամության, համագործակցության և փոխադարձ օգնության մասին» պայմանագրի ստորագրման օրվա կապակցությամբ։ Նշվում է, որ այս փաստաթուղթը նշանավորել է երկու երկրների միջպետական հարաբերությունների ժամանակակից փուլի սկիզբը։
«Ռուսաստանը և Հայաստանը պայմանավորվել են ամեն կերպ ամրապնդել ավանդական բարեկամական հարաբերությունները և համակողմանի համագործակցությունը քաղաքական, տնտեսական, ռազմական, գիտական, մշակութային և այլ ոլորտներում։ Մեր երկրները նաև պարտավորվել են համագործակցել կայունության և անվտանգության բարելավման ուղղությամբ ինչպես Անդրկովկասյան տարածաշրջանում, այնպես էլ ամբողջ աշխարհում»,- ասվում է հայտարարության մեջ։
Նշվում է նաև, որ այս պայմանագրի ստորագրումը պայմաններ է ստեղծել «ռուս-հայկական քաղաքական երկխոսության ընդլայնման, երկկողմ համագործակցության ամրապնդման համար առևտրատնտեսական, գիտական, տեխնիկական, հումանիտար և այլ ոլորտներում։ Հետագայում մեր հարաբերությունների իրավական բազան ընդլայնվել է մինչև 200 փաստաթղթով»։
«Ժամանակակից փուլում ռուս-հայկական կապերը շարունակում են զարգանալ 1997 թվականի պայմանագրով ամրագրված սկզբունքներով, ներառյալ՝ պետական ինքնիշխանության և անկախության փոխադարձ հարգանքը, իրավահավասարությունը և միմյանց ներքին գործերին չմիջամտելը, ուժի կամ ուժի սպառնալիքի չկիրառումը: Այսօր Հայաստանը Ռուսաստանի ամենամոտ դաշնակիցներից է, Հարավային Կովկասում մեր երկրի ռազմավարական գործընկերը»,- նշել է ՌԴ ԱԳՆ-ն։
Հավելենք, որ Արցախյան 44-օրյա պատերազմի ընթացքում, ինչպես նաև դրանից հետո ՀՀ սուվերեն տարածքի վրա Ադրբեջանի ռազմական ագրեսիաների ժամանակ Երևանը դիմել է ՌԴ-ին՝ 1997 թվականին պայմագրի դրույթների համաձայն, սակայն Մոսկվայից արձագանք չի ստացել։
Էմմա Չոբանյան
