14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Մինսկը նոր անձնագրեր է տրամադրել «Վագների» մարտիկներին
Քաղաքականություն
28.08.2023 | 19:25
Բելառուսի իշխանությունները փոխված անուններով և ազգանուններով նոր անձնագրեր են տրամադրում «Վագներ» մասնավոր խմբավորման մարտիկներին։ Այս մասին լեհական PAP գործակալությանը տված հարցազրույցում ասել է բելառուսական ընդդիմության առաջնորդներից Պավել Լատուշկոն՝ հղում անելով իր աղբյուրներին, գրում է DW-ի ռուսական ծառայությունը:
Նա հայտնել է, որ նման պրակտիկա է կիրառվում արդեն մեկ ամիս և ենթադրել է, որ դա կարող է կապված լինել դիվերսիաների և ահաբեկչությունների նախապատրաստման հետ։ Լատուշկոյի խոսքով՝ ինքը տվյալներ չունի, թե նման քանի անձնագիր է արդեն տրված։
«Մեր կողմից հաստատված տեղեկությունների համաձայն վագներցիները ստանում են բելառուսական անձնագրեր, իրական փաստաթղթեր, բայց, իհարկե, տրված այլ անուններով։ Ուստի՝ նրանք պարզապես կարող են Եվրամիության տարածք մուտք գործել սահմանային անցակետերով»,- ասել է վտարանդի բելառուս ընդդիմադիր, Ժողովրդական հակաճգնաժամային վարչության (ՀԱՎ) ղեկավարը։
Լատուշկոյի տեղեկություններով Բելառուսում մի քանի հազար մասնավոր խմբավորման զինյալ կա։
