25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Արցախի նախագահի նստավայրի ուղղությամբ զինված հարձակման դեպքով կան ձերբակալվածներ
28.08.2023 | 18:15
Oգոստոսի 28-ին՝ ժամը 03:05-ի սահմաններում, ԼՂ նախագահի նստավայրում հնչած կրակոցների դեպքի առթիվ ԱՀ քննչական կոմիտեի հատկապես կարևոր գործերով քննության վարչությունում հարուցվել է քրեական գործ՝ նախատեսված ԼՂ քրեական օրենսգրքի 33-103-րդ հոդվածի 2-րդ մասի 1-ին, 2-րդ, 6-րդ, 7-րդ կետերով և 245-րդ հոդվածի 1-ին մասով․ տեղեկացնում են ԱՀ ՔԿ-ից։
«Հանցագործության կատարման կասկածանքով Ստեփանակերտ քաղաքի 1983 թ. և Ասկերանի շրջանի 1981 թ. ծնված բնակիչները ձերբակալված են:
Նախաքննությունը շարունակվում է»,- ասված է ԼՂ քննչական կոմիտեի տարածած հաղորդագրության մեջ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԼՂ քրեական դատավարության օրենսգրքով նախատեսված կարգով, դատարանի` օրինական ուժի մեջ մտած դատավճռով:
