15.09.2026 | 20:44
Շախմատի Համաշխարհային օլիմպիադա. Հայաստանի հավաքականը 10-րդն է վարկանիշով
Իսրայելն իրանական ԱԹՍ-ների դեմ կպայքարի լազերով
Քաղաքականություն
28.08.2023 | 23:18
Իսրայելի հակաօդային պաշտպանությունը նախ մասնակի, հետագայում լիարժեք լազերային պաշտպանություն կստանը, որը կկարողանա խոցել ԱԹՍ-ները։ Այս մասին հայտարարել է Rafael Advanced Defense Systems-ի մշակող Յուվալ Ստեյնիցը, գրում է The Jerusalem Post-ը։
«Մեկ տարի հետո Իսրայելը կլինի առաջին երկիրը, որը կունենա մասնակի լազերային պաշտպանություն: Երկու տարի հետո կարող է լինել ամբողջական պաշտպանություն՝ հրթիռներից, արկերից կամ այլ բաներից: Սա մեզ կպաշտպանի թե՛ հարավում, թե՛ հյուսիսում»,- ասել է նա:
Իսրայելի պաշտպանության նախարարության բարձրաստիճան պաշտոնյան, պաշտոնաթող բրիգադային գեներալ Դենի Գոլդն այս տարվա փետրվարին ասել էր, որ իսրայելական հակաօդային պաշտպանության լազերները կկարողանան խոցել անօդաչու թռչող սարքերը, որոնք Իրանը ուղարկում է Ռուսաստան՝ Ուկրաինայի դեմ օգտագործելու համար:
Նա նաև հավելել է, որ նախարարությունն այժմ աշխատում է հաջորդ սերնդի լազերների մշակման ուղղությամբ և ընդգծել, որ արդեն բազմաթիվ հաջող փորձարկումներ են իրականացվել։
