13.12.2024 | 12:58
Բլինքենն ու Էրդողանն Անկարայում քննարկել են Սիրիայում իշխանությունը ներառական կառավարությանը փոխանցելու ընդհանուր շահը
Ըստ ադրբեջանական լրատվամիջոցների՝ Լաչինի ապօրինի անցակետից առևանգված արցախցիների թիվը 3-ն է
Քաղաքականություն
28.08.2023 | 15:12
Ըստ ադրբեջանական լրատվամիջոցների՝ Լաչինի միջանցքում տեղադրված ապօրինի անցակետում առևանգված արցախցի քաղաքացիների թիվը 3-ն է։
Մասնավորապես, նշվում է, որ երեք արցախցիներին «ձերբակալել են Ադրբեջանի դրոշը վիրավորելու համար»։ Ադրբեջանական կողմը նշում է, թե 2021 թ-ին տեսանյութեր էին տարածվել, որոնցում հայ ֆուտբոլիստները «վիրավորական գործողություններ են կատարում Ադրբեջանի պետական դրոշի դեմ ՝ քայլում դրա վրայով։ Այդ առնչությամբ էլ Ադրբեջանի գլխավոր դատախազը հետաքննություն էր սկսել քրեական գործի շրջանակներում»։
Հավելենք, որ Արցախի տեղեկատվական շտաբը այսօր հայտնել էր, որ ադրբեջանական կողմը Լաչինի միջանցքում գտնվող ապօրինի անցակետում առևանգել է ռուս խաղաղապահների ուղեկցությամբ Արցախից Հայաստան գնացող Ալեն Նելսոնի Սարգսյանին՝ ծնված 2001թ.-ին։ Ալեն Սարգսյանն ուսանող է, որը մեկնում էր Երևան՝ իր ուսումը շարունակելու նպատակով: ԱՀ նախագահին կից հակաճգնաժամային խորհրդի նախագահ Տիգրան Պետրոսյանն էլ ֆեյսբուքյան ուղիղ եթերում հայտնել էր, որ ադրբեջանցիները ևս մի երիտասարդի են հարցաքննում։
Ի դեպ, ադրբեջանական քարոզչական լրատվամիջոցներում նաև տեղեկություններ են տարածվում, թե Ադրբեջանը կարող է հայ երիտասրդներին բաց թողնել։ Մասնավորապես, նշվում է, որ, ենթադրաբար, Բաքուն «հերթական անգամ հումանիստական մոտեցում կցուցաբերի» և, հաշվի առնելով, որ «ձերբակալվածները երիտասարդներ են ու մարզիկներ, կարող են ենթարկվել միայն վարչական պատասխանատվության»։
Էմմա Չոբանյան
