06.08.2026 | 11:02
Շուրջ 26 մլն դրամ՝ Ազգային ժողովի նոր վերելակի համար
Արարատ Միրզոյանը Հարավային Կորեայի ԱԳ նախարարին է ներկայացրել ԼՂ-ում հումանիտար ճգնաժամը
28.08.2023 | 14:54
Սլովենիայի Բլեդ քաղաքում ՀՀ ԱԳ նախարար Արարատ Միրզոյանը հանդիպել է Կորեայի Հանրապետության (Հարավային Կորեայի) ԱԳ նախարար Փարկ Ջինի հետ։ Նախարարները նաև անդրադարձել են Արցախում Ադրբեջանի հարուցած հումանիտար ճգնաժամին։ Այս մասին Միրզոյանը հայտնում է X սոցիալական կայքում գրառմամբ։
«Բլեդում հանդիպում ունեցա ԱԳ նախարար Փարկ Ջինի հետ։ Քննարկվել են երկկողմ հարաբերությունների ընդլայնման հեռանկարները և քայլերը։ Ներկայացրել եմ տարածաշրջանային իրավիճակը, հումանիտար ծանր ճգնաժամը Լեռնային Ղարաբաղում Լաչինի միջանցքի ադրբեջանական շրջափակման հետևանքով։ Ընդգծել եմ միջազգային գործընկերների կողմից ավելի համարձակ դիրքորոշումների կարևորությունը»,- ասվում է գրառման մեջ։
Հավելենք, որ Արարատ Միրզոյանը Բլեդում մասնակցում է ռազմավարական համաժողովին։
