01.05.2026 | 11:55
2 մլն եվրո և 1,8 մլն դոլար կանխիկ, 16 անշարժ գույք․ ինչ է հայտարարագրել Նարեկ Կարապետյանը
Զելենսկին ցանկանում է ընտրություններ անցկացնել Ուկրաինայում
Քաղաքականություն
27.08.2023 | 22:39
Ուկրաինայի նախագահ Վլադիմիր Զելենսկին ասել է, որ կառչած չէ իշխանությունից և կցանկանար ընտրություններ անցկացնել Ուկրաինայում։ Հաղորդում է ՌԻԱ Նովոստին՝ մեջբերելով համաուկրաինական հեռուստամարաթոնի եթերում արված Զելենսկու հայտարարությունը։
Ուկրաինայի նախագահը նշել էր, որ, ըստ օրենքի, երկրում արգելվում է ընտրություններ անցկացնել ռազմական դրության ժամանակ։ Նա ասել է, որ դա կարող է իրականություն դառնալ, եթե խորհրդարանն ընդունի օրենքի համապատասխան փոփոխություններ, դրա համար Արևմուտքը գումար հատկացնի, և դիտորդները համաձայնեն լինել «խրամատներում»։
«Չէի ցանկանա երևակայել, որ մենք առանց ընտրությունների կապրենք երեք-հինգ-յոթ տարի։ Ես չեմ ուզում, որ այնպիսի վերաբերմունք լինի, թե մենք կառչած ենք իշխանություններից։ Ես կուզենայի ընտրություններ անցկացնել»,- ասել է Զելենսկին համաուկրաինական հեռուստամարաթոնի եթերում։
