25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
ԱԺ առաջին նիստը կնշանակվի մայիսի 18-ին
Հասարակություն
28.04.2017 | 15:16
Նորընտիր խորհրդարանի առաջին նիստը կնշանակվի այսօրվանից հաշվարկված երրորդ հինգշաբթի օրը՝ մայիսի 18-ին: Այս մասին Սահմանադրական դատարանի կողմից «Կոնգրես-ՀԺԿ» դաշինքի՝ ապրիլի 2-ին տեղի ունեցած ԱԺ ընտրությունների քվեարկության արդյունքներն անվավեր ճանաչելու վերաբերյալ դիմումի որոշման հրապարակումից հետո հայտնեց ԿԸՀ նախագահ Տիգրան Մուկուչյանը:
«Կուսակցություններին կիրազեկենք, որ եթե ցուցակներում կան ընդգրկված անձինք, որոնք ցանկանում են դիմումներ ներկայացնել մանդատ չստանալու մասին, ժամանակ ունենան պատշաճ իրականացնել»,- ասաց նա:
Տիգրան Մուկուչյանը տեղեկացրեց, որ արդեն որոշվել է, թե յուրաքանչյուր կուսակցություն քանի մանդատ է ստանալու։ Ապա նկատեց, որ մինչ այս պահը մանդատից հրաժարվելու վերաբերյալ դիմում չեն ստացել ու ենթադրելի է, որ այն պայմանավորած էր Սահմանադրական դատարանում գործի քննությամբ:
