25.02.2026 | 14:37
Միհրան Պողոսյանի կանխիկ փողերն արագորեն սպառվում են
«Հյուսիսային հոսք» գազատարի պայթյունի հետքերը տանում են դեպի Ուկրաինա․ Der Spiegel
Քաղաքականություն
25.08.2023 | 22:37
«Հյուսիսային հոսք» գազատարի պայթյունի հետքերը տանում են դեպի Ուկրաինա։ Այս մասին հայտնում են գերմանական ZDF և Der Spiegel լրատվամիջոցները՝ վկայակոչելով իրենց աղբյուրները։
Գերմանացի քննիչների կարծիքով՝ «Հյուսիսային հոսք»-ի վրա հարձակման հետևում կարող են կանգնած լինել Ուկրաինայի հետ կապված մարդիկ։ Նրանք կարող էին պայթեցնել խողովակաշարը պայթուցիկներով, որոնք առաքվել էին «Անդրոմեդա» առագաստանավով: Զբոսանավի անձնակազմը Բալթիկ ծովում պայթյունից առաջ և հետո եղել է Ուկրաինայում։ Այս տեղեկությունը գերմանական լրատվականներին հայտնել են գաղտնի ծառայությունները։
Մարտին New York Times-ը և մի շարք այլ պարբերականներ հայտնել են, որ, ըստ ամերիկյան հետախուզական գործակալությունների, «Հյուսիսային հոսքի» վրա հարձակումն իրականացրել է ուկրաինամետ խմբավորումը։ Դրանից հետո կանցլեր Օլաֆ Շոլցը մի քանի անգամ խորհրդականների հետ քննարկել է, թե ինչպես կարող է Գերմանիայի կառավարությունը վարվել իրավախախտների հետ:
Այն ժամանակ Գերմանիայի խնդրանքով Ուկրաինայի նախագահի աշխատակազմի ղեկավար Անդրեյ Երմակը պատասխանել էր, որ Ուկրաինայի կառավարությունը չի մասնակցել պայթյունին։
