06.06.2026 | 15:33
Հողամասը կանցնի պետությանը․ Հակակոռուպցիոն դատարանը բավարարել է Դատախազության հայցը
Ադրբեջանի ռազմաօդային ուժերն ուսումնական թռիչքներ են իրականացրել
Քաղաքականություն
25.08.2023 | 15:29
Ադրբեջանի ռազմաօդային ուժերի ստորաբաժանումներն ուսումնական թռիչքներ են իրականացրել մարտական ինքնաթիռներով, հայտնել է Ադրբեջանի ռազմական գերատեսչության մամուլի ծառայությունը։
«Ավարտվել են թռիչքի և վայրէջքի, ցածր և միջին բարձրությունների վրա համալիր թռիչքային մանևրների, պայմանական հակառակորդին պատկանող ցամաքային թիրախների կոորդինատների որոշման, ինչպես նաև օդային հետախուզության և այլ աշխատանքներ իրականացնելու խնդիրները»,- ասված է Ադրբեջանի ՊՆ հաղորդագրության մեջ։
Նշենք, որ վերջին շաբաթներին Ադրբեջանը կեղծ մեղադրանքներ է հնչեցնում ՀՀ-ի հասցեին սահմանին զորքերի կուտակման վերաբերյալ։ ՀՀ-ում ԵՄ դիտորդական առաքելությունը հերքել էր Բաքվի այս հայտարարությունները։
Հաճախակի են դարձել նաև ռուսական խաղաղապահ զորակազմի պատասխանատվության գոտում՝ Լեռնային Ղարաբաղում հրադադարի ռեժիմի խախտումները։
