Հասարակություն
24.08.2023 | 20:02Իրար հաջորդած դաժան բռնարարքների շարք, որը ցնցեց հայաստանյան հասարակությանը։ Մոր կողմից երեխայի նկատմամբ դաժան բռնարարքը սարսափազդու էմոցիաներ առաջացրեց մարդկանց մոտ։
Ինչպե՞ս կարող էին ծնողները սեռական բռնության ենթարկել իրենց երեխաներին։ Ինչո՞ւ էր բռնարարքներով աչքի ընկած ընտանիքը դուրս մնացել պետության տեսադաշտից։
Հասարակության հիշողության մեջ դեռևս թարմ է Ազատ գյուղում 15 զինծառայողների այրվելու և ողբերգական մահվան դեպքը, «Սուրմալու»-ում 17 մարդու մահվան հանգեցրած պայթյունը։ Ոստիկանական, քննչական մարմինների ներկայացուցիչներ ևս խոշտանգում են քաղաքացիների՝ «Պոլիգրաֆ» և այլ ակումբներում ոստիկանական խուզարկություններն ուղեկցվել էին բռնի գործողություններով քաղաքացիների նկատմամբ, որոնք ավելի դաժան ձևով շարունակվել էին ոստիկանական բաժանմունքներում։
Դիլիջանում անչափահասին հարվածներ հասցրած ՆԳՆ Ոստիկանության Դիլիջանի բաժնի քրեական հետախուզության բաժանմունքի պետի դեմ քրեական գործը զղջման հիմքով կարճվել էր, և մեծ աղմուկից հետո քրեական գործի քննությունը շարունակվեց։ Երևանի գինու փառատոնի մոտակայքում ոստիկանը հարվածով գետին էր տապալել երիտասարդին։ Դե, իսկ վերջին դաժան դեպքը՝ տրանսգենդեր անձին դանակի հարվածներ հասցնելով՝ սպանելն ու բնակարանն այրելն էր։
Ինչի՞ հետևանք են այս բռնարարքները, ինչո՞վ է թերանում պետությունը և ի՞նչ է պետք անել՝ ինստիտուցիոնալ, պետական քաղաքականության, հանրային վերափոխման առումով։ Factor TV-ի կազմակերպված քննարկմանը մասնակցում են ՀՔԱՎ ղեկավար, իրավապաշտպան Արթուր Սաքունցը, «Լրագրողներ հանուն մարդու իրավունքների» ՀԿ ղեկավար, իրավապաշտպան Ժաննա Ալեքսանյանը, «Փինք» իրավապաշտպան ՀԿ-ի փաստաբան Արա Ղարագյոզյանը, ռեժիսոր Ռուբեն Բաբայանը, հոգեբան, Հոգեբանների հայկական գիտական միավորման ներկայացուցիչ Դավիթ Ամիրյանը։
Մանրամասները՝ տեսանյութում։
