07.10.2026 | 23:48
Արթուր Դանիելյանը կալանավորվեց
Ջո Բայդենը հայտարարել է ՌԴ-ի դեմ նոր պատժամիջոցների մասին
Քաղաքականություն
24.08.2023 | 20:50
ԱՄՆ-ն այսօր հայտարարել է Ռուսաստանի դեմ նոր պատժամիջոցների մասին։ Այս մասին ասված է ԱՄՆ նախագահ Ջո Բայդենի՝ Ուկրաինայի Անկախության օրվա կապակցությամբ տարածված հայտարարության մեջ։
Սահմանափակումներ են մտցվում նրանց նկատմամբ, ովքեր հազարավոր ուկրաինացի երեխաների բռնի ուժով Ռուսաստան են տեղափոխել։
«Այսօր մենք հայտարարում ենք նոր պատժամիջոցների մասին, որպեսզի պատասխանատվության ենթարկենք ուկրաինացի երեխաներին ու նրանց ընտանիքներին հարկադրաբար առևանգելու ու տեղահանելու մեջ մեղավորներին»,- ասված է հայտարարության մեջ։
Պատժամիջոցների տակ ընկած մարդկանց անունները դեռևս չեն հրապարակվել։
Բացի այդ, Բայդենը շնորհավորել է Ուկրաինային Անկախության օրվա կապակցությամբ և ասել, որ ԱՄՆ-ը կշարունակի Կիևին ցուցաբերել անհրաժեշտ օգնություն։
«Միացյալ Նահանգները կշարունակի աշխատանքն ամբողջ աշխարհում իր գործընկերների հետ՝ աջակցելու Ուկրաինայի կարողությանը՝ պաշտպանվելու Ռուսաստանի ագրեսիայից, պաշտպանելու ՄԱԿ-ի կանոնադրության հիմնարար սկզբունքները և օգնելու ուկրաինացի ժողովրդին՝ կառուցելու անվտանգ, ծաղկուն և բարգավաճ երկիր, որին նրանք արժանի են»,- ասված է Սպիտակ տան տարածած հայտարարության մեջ։
