07.10.2026 | 23:48
Արթուր Դանիելյանը կալանավորվեց
Հնդկական լուսնագնացն առաջին անգամ շրջել է Lուսնի մակերևույթին
Քաղաքականություն
24.08.2023 | 22:36
Հնդկաստանի «Պրագյան» լուսնագնացն իր առաջին ուղևորությունն է կատարել դեպի Լուսին, հայտնել է Հնդկաստանի տիեզերական հետազոտությունների կազմակերպությունը: Հնդկական լուսնագնացը կուսումնասիրի արբանյակի խառնարանների ժայռերը, ինչպես նաև կփնտրի ջուր, փոխանցում է Կոմերսանտը։
««Չանդրայան 3» առաքելության մարսագնացը իջել է վայրէջքի մոդուլից, և Հնդկաստանը զբոսնել է Լուսնի վրայով»,- ասվում է գործակալության՝ X (նախկին Twitter) էջում տարածված հաղորդագրության մեջ։
Լուսնագնացը Երկրի արբանյակ է հասել օգոստոսի 23-ին «Չանդրայան 3» կայանի վրա: Հնդկաստանը դարձել է նաև առաջին երկիրը, որը մեղմ վայրէջք է կատարել Լուսնի հարավային բևեռի վրա: Օգոստոսի 20-ին այս հատվածում վայրէջք կատարելիս ռուսական «Լունա 25» կայանը վթարի է ենթարկվել։
«Լունա 25» կայանի կործանումից մի քանի շաբաթ առաջ ՆԱՍԱ-ի ղեկավար Բիլ Նելսոնն ասել է, որ ժամանակակից տիեզերական մրցավազքին մասնակցում են միայն ԱՄՆ-ը և Չինաստանը։ Նրա կարծիքով՝ Ռուսաստանը շուտով չի կարողանա տիեզերագնացներ իջեցնել Լուսնի վրա, ինչը նշանակում է, որ չի մասնակցում մրցավազքին։
