Արայիկ Հարությունյանը պատգամավորների հետ փակ հանդիպում է անցկացնում, տեղեկություններ կան Աղդամի ճանապարհից օգտվելու քննարկումների մասին

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Այսօր առավոտից ադրբեջանական աղբյուրները տեղեկություններ են տարածում, թե պաշտոնական Ստեփանակերտը ԱԽՔ նիստում որոշում է կայացրել օգտվել ադրբեջանական կողմի առաջարկած Աղդամի ճանապարհից։ Այս տեղեկությունը արցախցի պաշտոնյաներից ճշտել առայժմ չի հաջողվում։ Արցախի նախագահի մամուլի խոսնակը զանգերի չի պատասխանում, իսկ իշխող «Ազատ հայրենիք-ՔՄԴ» խմբակցության պատգամավոր Արամ Հարությունյանը Factor TV-ի հետ զրույցում ասաց, որ իշխող խմբակցության պատգամավորները հանդիպելու են Արայիկ Հարությունյանին, որից հետո նոր կարող է մանրամասներ հայտնել։

Հանդիպումն արդեն մեկնարկել է։ Արցախի նախագահին կից Հակաճգնաժամային խորհրդի նախագահ Տիգրան Պետրոսյանն էլ Աղդամի ճանապարհը բացելու շուրջ տեղեկությունների ֆոնինն ֆեյսբուքյան էջում գրառում է արել․ «Երբեք մի փոխեք ազատությունը հացի հետ… Հետո հացն էլ են խլելու… Ցուցակը ուժի մեջ է՝ վիզ դրեք արա…»։

Արցախի «Հեղափոխական» կուսակցության նախագահ Արթուր Օսիպյանը ֆեյսբուքյան ուղիղ եթերի միջոցով անդրադարձել է այս տեղեկություններին։

«Այս պահի դրությամբ ոչ մի եզրակցություն չկա։ Աղդամի հարցը քննարկվում է, Կարմիր խաչի միջոցով դեղամիջոց մտցնեն, դրա համաձայնությունն էլ չկա ու չի լինելու»,-եթերի ընթացքում ասաց Արթուր Օսիպյանը՝ նշելով, որ քննարկումներն այս հարցով շարունակվելու են մինչև վաղը և հնարավոր է վաղն Արայիկ Հարությունյանը հայտարարությամբ հանդես գա։

Արթուր Օսիպյանը հայտարարեց, որ վաղը երեկոյան ժամը 8-ին քաղաքացիներին հրավիրում է Վերածննդի հրապարակ, նա պնդում է  Լաչինի միջանցքի բացման պետք է հասնել խաղաղ ակցիայի միջոցով։

Հիշեցնենք՝ Բրյուսելում Նիկոլ Փաշինյանի ու Իլհամ Ալիևի գրեթե երեք ժամ տևած հանդիպումից հետո Եվրոպական խորհրդի նախագահը կարևոր էր համարել Աղդամով հումանիտար մատարակարարումներ իրականացնելու Ադրբեջանի պատրաստակամությունը, միաժամանակ շեշտելով, որ Արցախը Հայաստանին կապող միակ՝ Լաչինի ճանապարհը պետք է բացվի։

Նիկոլ Փաշինյանն այս հանդիպումից հետո հայտարարել էր, որ ինքը Միշելի և Ալիևի հետ Աղդամի ճանապարհի հետ կապված քննարկման չի մասնակցել։ Օգոստոսի 16-ին տեղի ունեցած ՄԱԿ ԱԽ նիստի ժամանակ, երբ քննարկվում էր Լաչինի միջանցքը բացելու հարցը Անվտանգության խորհրդի անդամ 15 երկրների ներկայացուցիչների գերակշռող մեծամասնությունը համակարծիք էր` մարդասիրական խնդիրները չեն կարող օգտագործվել որպես մահակ 120 հազար մարդու իրավունքները ճնշելու համար: Դիվանագետների մեծ մասը հստակ ընդգծում էր` Լաչինի միջանցքը պետք է բացվի, մյուսները, այդ թվում՝ ԵԱՀԿ Մինսկի խմբում համանախագահող Միացյալ Նահանգներն ու Ռուսաստանը, հնարավոր համարեցին նաև այլ երթուղիների գործարկումը` Լաչինի միջանցքի բացմանը զուգահեռ:

 

Նարեկ Կիրակոսյան