07.10.2026 | 23:48
Արթուր Դանիելյանը կալանավորվեց
Ադրբեջանում պահեստազորայիններին զորավարժանքների են կանչել
Քաղաքականություն
22.08.2023 | 18:31
Ադրբեջանում զորավարժությունների են կանչվել պահեստազորայինները։ Ադրբեջանական լրատվամիջոցները գրում են, որ վերջին օրերին սոցցանցերում տեղեկություններ են շրջանառվում զորավարժություններին պահեստազորի զինվորականների ներգրավման մասին։
Այս տեղեկատվության տարածման կապակցությամբ էլ Ադրբեջանի Զինվորական ծառայության զորահավաքի և զորակոչի պետական ծառայության հասարակայնության հետ կապերի և միջազգային կապերի բաժնի պետ Փարվիզ Սադրադդինովը հայտարարել է, թե, իբր, նման հավաքներ հնարավոր է կազմակերպել տարին մի քանի անգամ։
«Նման վարժանքներ կարելի է անցկացնել տարվա ընթացքում մի քանի անգամ։ Ուստի անհանգստության պատճառ չկա»,- ասել է Սադրադդինովը:
Հավելենք, որ վերջին շրջանում Ադրբեջանի ՊՆ-ն շարունակաբար ստահոդ տեղեկություններ է հայտնում սահմանին ՀՀ կամ Արցախի կողմից հրադադարի խախտման վերաբերյալ, ինչպես նաև սահմանին ՀՀ կողմից զորքերի կուտակման մասին։
Արցախի և Հայաստանի ՊՆ-ների կողմից հետևողականորեն հերքվում են ադրբեջանական կողմի կեղծ լուրերը, ՀՀ-ում ԵՄ մոնիթորինգային առաքելությունը ևս հերքել է ՀՀ կողմից սահմանին զորք կուտակելու՝ Բաքվի մեղադրանքները։
