14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
Ղազախստանի հարավում արտակարգ դրություն է հայտարարվել
Քաղաքականություն
22.08.2023 | 21:53
Ղազախստանի հարավում գտնվող Ժամբիլի նահանգի վեց շրջաններում տարածաշրջանային մասշտաբով արտակարգ ռեժիմ է հայտարարվել։ Այս մասին այսօր հայտարարել են շրջանային վարչակազմի լրատվական ծառայությունից, փոխանցում է EADaily-ն։
Ըստ հաղորդագրության՝ արտակարգ դրության ռեժիմը մտցվել է Ղազախստանի վարչապետ Ալիխան Սմայիլովի հրամանագրով։
«Այս կապակցությամբ որոշվում է Ղազախստանի Հանրապետության կառավարության արտակարգ պահուստից միջոցներ հատկացնելու հարցը՝ անոմալ շոգ եղանակի և նահանգի վերոնշյալ շրջաններում ջրի պակասի հետևանքով ֆերմերների վնասները ծածկելու համար»,- ասվում է հաղորդագրության մեջ։
Տարածաշրջանում ոռոգման ջրի բացակայության և անոմալ շոգ եղանակի պատճառով այս տարի, նախորդ տարվա համեմատ, սպասվում է բերքի կորուստի 25-30 տոկոս աճ։ Ֆերմերներին հասցված վնասի չափը կճշտվի մինչև վեգետացիոն շրջանի ավարտը։ Առաջիկա օրերին կճշտվի ոչ պիտանի դաշտերի տարածքը և կորուստների չափը։
Ղազախստանի Գյուղատնտեսության նախարարության տվյալներով՝ Ղրղզստանից ջրի փոքր հոսքի պատճառով տարածաշրջանում վնասվել է շուրջ 7,8 հազար հեկտար ցանքատարածք։
