07.10.2026 | 20:54
Թուրքիան Սաուդյան Արաբիային տեխնիկական և պաշտպանական աջակցություն է ուղարկում՝ հութիների դեմ պայքարում օգնելու համար․ Reuters
ԱԹՍ-ների հարվածները ռուսական օբյեկտներին չեն խախտում միջազգային իրավունքը․ Գերմանիայի ԱԳ նախարար
Քաղաքականություն
22.08.2023 | 22:04
Ռուսաստանը հարձակվել է Ուկրաինայի վրա՝ խախտելով ուժի կիրառումն արգելող ՄԱԿ-ի կանոնադրությունը, ուստի Ուկրաինան օրինական իրավունք ունի պաշտպանելու իր երկիրը և իր ժողովրդին։ Այս մասին հայտարարել է Գերմանիայի արտգործնախարար Անալենա Բերբոքը՝ պատասխանելով Ռուսաստանի տարածքում ուկրաինական անօդաչու թռչող սարքերի հարձակումների մասին լրագրողների հարցին, գրում է BBC-ի ռուսական ծառայությունը։
«Ռուսաստանն անդադար ռմբակոծում է Ուկրաինայում քաղաքացիական օբյեկտները՝ ամբարներ, հիվանդանոցներ, եկեղեցիներ: Իսկ Ուկրաինան իրեն պաշտպանում է միջազգային իրավունքի շրջանակում»,- ասել է նա։
Բացի այդ, ըստ Բերբոքի, ռուսական զորքերն ականապատել են Ուկրաինայում «արևմտյան Գերմանիայի չափով» տարածքներ, և այժմ Բեռլինն իր դաշնակիցների հետ քննարկում է ականազերծման հարցում Կիևին տրամադրվող օգնության հարցը:
