Քաղաքականություն
22.08.2023 | 22:20
Հունաստանի վարչապետ Կիրիակոս Միցոտակիսը նախօրեին Աթենքում ընթրիքի ժամանակ ողջունել է Եվրամիության երկրների եւ Բալկանյան տարածաշրջանի ղեկավարներին։ Քննարկման հիմնական թեման ԵՄ-ում Արևմտյան Բալկանների ապագան է, որին արդեն միացել են բազմաթիվ երկրներ, իսկ մնացածներն իրենց տեսնում են դաշինքի կազմում, գրում է Euronews-ը։
Միջոցառմանը ներկա է եղել նաև Ուկրաինայի նախագահ Վլադիմիր Զելենսկին։
Միցոտակիսն արդեն խոստացել է շարունակել ռազմական աջակցությունն Ուկրաինային այնքան ժամանակ, որքան անհրաժեշտ է, և ռազմական գործողությունների ավարտից հետո մասնակցել երկրի վերականգնմանը։
Հունաստանը որոշել է միանալ G7-ի հռչակագրին, որը վերաբերում է Ուկրաինային անվտանգության երաշխիքներ տրամադրելուն։
Աթենքը նաև առաջարկել է ուկրաինացի օդաչուներին պատրաստել ամերիկյան F-16 մարտական ինքնաթիռներ վարելու համար, որոնք Դանիան և Նիդերլանդները նախապես խոստացել էին տրամադրել Կիևին։
