24.11.2024 | 17:00
Ֆրանսիայի Բրոն համայնքում Մեղրի քաղաքի պուրակ է բացվել
Ճապոնիան օգոստոսի 24-ից կսկսի «Ֆուկուսիմա» ԱԷԿ-ից ռադիոակտիվ ջրի բացթողումը
Քաղաքականություն
22.08.2023 | 15:09
Օգոստոսի 24-ին Ճապոնիան կսկսի դուրս թողնել ջուրը, որն օգտագործվել է «Ֆուկուսիմա-1» ատոմակայանի ռեակտորների սառեցման համար։ Նման որոշում է կայացրել երկրի կառավարությունը, հաղորդում է Kyodo-ն։
Վարչապետ Ֆումիո Կիշիդան ասել է, որ Ճապոնիան, չնայած տեղի ձկնորսների մտահոգություններին և Չինաստանի բողոքներին, հինգշաբթի կսկսի ատոմակայաններից ջուր լցնել օվկիանոս։ Նա հավելել է, որ գործընթացը կսկսվի, եթե եղանակը թույլ տա։
Հուլիսին ՄԱԳԱՏԷ-ի փորձագետները եզրակացրել էին, որ Տոկիոյի ծրագիրը համապատասխանում է անվտանգության համաշխարհային չափանիշներին և կունենա «աննշան ռադիոլոգիական ազդեցություն մարդկանց և շրջակա միջավայրի վրա»:
Հիշեցնենք, որ 2011 թվականի մարտին Ճապոնիայում երկրաշարժ էր տեղի ունեցել, որը ցունամիի պատճառ էր դարձել։ Հսկայական ալիքը հանգեցրել էր «Ֆուկուսիմա-1» ատոմակայանում վթարի։
