06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
ՌԴ ԱԴԾ-ն հայտարարել է Ուկրաինայի երկու քաղաքացու ձերբակալության մասին՝ լրտեսության և դիվերսիայի համար
Քաղաքականություն
21.08.2023 | 22:10
Ռուսաստանի ԱԴԾ-ն հայտնել է Ռոստովի մարզում ուկրաինուհու ձերբակալության մասին, որը, իբր, տվյալներ է փոխանցել Ուկրաինայի զինված ուժերին ռուս զինվորականների տեղակայման մասին, փոխանցում է BBC-ի ռուսական ծառայությունը։
Ըստ ԱԴԾ-ի մամուլի ծառայության՝ կինը մեկնել է Ռոստովի մարզ և Ուկրաինայի ԶՈւ աշխատակցի հետ նամակագրության ընթացքում խոսել հակաօդային պաշտպանության համակարգերի տեղակայման և ռուսական ռազմական տեխնիկայի տեղաշարժերի մասին։
Կնոջը մեղադրանք է առաջադրվել լրտեսության համար։ Նրան սպառնում է մինչև 20 տարվա ազատազրկում։
Բացի այդ, ԱԴԾ-ն հայտնել է երկաթուղու վրա դիվերսիայի համար ևս մեկ ուկրաինացու ձերբակալության մասին, որը նա, իբր, իրականացրել է 2022 թվականին Ուկրաինա ռուսական ներխուժման սկզբում։
Նշվում է, որ պատերազմի մեկնարկից ի վեր ՌԴ-ում «դավաճանություն» և «լրտեսություն» հոդվածներով քրեական գործերի թիվը սկսել է արագ աճել, և անցյալ տարվա ամառվանից ԱԴԾ-ն սկսել է մեղադրել ռուսներին նաև դավաճանության մտադրության համար․ նախկինում խոսքը միայն կատարված հանցագործությունների մասին էր:
