15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
ԱՀԿ-ն COVID-19-ի բնական ծագումն ամենահավանականն է անվանել
Քաղաքականություն
21.08.2023 | 20:27
Առողջապահության համաշխարհային կազմակերպության (ԱՀԿ) գիտնական Ջերեմի Ֆարարը հայտարարել է, որ COVID-19-ը, հավանաբար, բնական, այլ ոչ թե լաբորատոր ծագում ունի: Նա նաև կոչ է արել «ԱՀԿ-ի նոր առաքելություն կազմակերպել Չինաստան՝ գտնելու կորոնավիրուսի ծագման պատճառները, եթե Չինաստանի կողմից կա պատրաստակամություն՝ կիսելու ամբողջ տեղեկատվությունը»:
«COVID-19-ի բնական ծագումն ավելի ու ավելի հավանական է դառնում»,- ասել է փորձագետը Financial Times-ին տված հարցազրույցում։
Այնուամենայնիվ, նա նշել է, որ ԱՀԿ փորձագետները չեն բացառում լաբորատոր ճանապարհը որպես կորոնավիրուսի ծագման հնարավոր պատճառ՝ Ուհանի վիրուսաբանության ինստիտուտից արտահոսքը և վարակի փոխանցումը քաղաքային շուկաներից կենդանիների մսի միջոցով։
ԱՀԿ-ի կողմից հայտարարված COVID-19-ի հետ կապված արտակարգ դրությունը գործում էր 2020 թվականի հունվարի վերջից մինչև 2023 թվականի մայիսի 5-ը։ Կորոնավիրուսի ծագման վերաբերյալ ԱՀԿ-ի հետաքննության կասեցման մասին՝ անհրաժեշտ տվյալների հավաքագրման հետ կապված խնդիրների պատճառով, հայտնել են այս տարվա սկզբին Nature գիտական ամսագիրը և The Daily Telegraph-ը:
